थाहा नगर, २६ कात्तिक/नेकपा माओवादी केन्द्रकी पोलिटब्युरो सदस्य एवं मकवानपुर क्षेत्र नम्बर २ ‘क’ की प्रदेश सभा सदस्य उम्मेद्वार कुमारी मोक्तानले  जनतामा सत्ताको अनुभुति दिलाई प्रदेश सरकार छ भन्ने आभास दिलाउनको लागि गठबन्धनलाई जिताउन अनुरोध गर्नुभएको छ ।

शनिबार थाहा ३ र ४ मा भएको घरदैलो कार्यक्रममा प्रदेश सरकारले गाउँगाउँसम्म बजेट लगेर विकास गरेकाले जनताले गठबन्धनका उम्मेद्वारलाई जिताउने बताउनुभएको छ । 

घरदैलो कार्यक्रममा मतदाताको चाहना र गुनासो सुन्दै मोक्तानले जन चाहना अनुसार कार्य गर्ने बताउनुभयो ।

घरदैलो कार्यक्रममा गठबन्धनका नेता तथा कार्यकर्ताको सहभागिता रहेको थियो ।