नुवाकोटको खरानीटारमा भव्य कार्यक्रम, वृद्धवृद्धा, विद्यार्थी र स्थानीय विद्यालयलाई सहयोग
नुवाकोट । नेकपाका बरिष्ठ नेता एवं पूर्व प्रधानमन्त्री माधवकुमार नेपालले आगामी वर्षलाई विकास र समृद्धिको वर्षको रुपमा सरकारले अघि बढाउने बताउनुभएको छ ।
नुवाकोटको खरानीटारमा भरतप्रसाद लामिछाने स्मृित प्रतिष्ठानको सातौ वार्षिकोत्सवको उद्घाटन गर्दै नेपालले सरकारको पहिलो वर्ष गुनासो, आलोचना र कामकारवाही प्रति आलोचनात्मक टिप्पणी आएपनि आगामी वर्ष यसलाई सुधारेर लैजाने विश्वास गर्नुभयो ।
पूर्व प्रधानमन्त्री तथा नेकपाका बरिष्ठ नेता नेपालले सहमतिको राजनीति गर्न कांग्रेसलाई आग्रह गरेका छन् । तोडफोड र हिंशाको राजनीतिले दल, नेता तथा कार्यकर्ता कसैको पनि हित नगर्ने जनाउंदै उनले सहमति गरेर वर्तमान सरकारलाई सहयोग गरि अगाडि वढ्न कांग्रेसलाई आग्रह गरेका हुन् ।
नेता नेपालले अघिल्लो वर्षमा सुनिएका सकारात्मक गुनासो र सल्लाहलाई सुझावको रुपमा आगामी वर्षको निति तथा कार्यक्रममा समावेश गरी सरकारको गुनगान र प्रशंसाको वर्षको रुपमा अघि बढाउन सरकारलाई सुझाव दिनुभयो ।
नेता नेपालले सरकारले सुन्ने, हेर्ने विचार गर्ने र लागू गर्ने प्रक्रियामा अघि बढ्न सुझाव दिँदै सरकारले गुनासो सुन्ने गुनासो के हो भनेर वास्तविकता पत्ता लगाउने, गुनासो संवोधनको लागि के के विधिहरु हुन्छन् भनेर विचार गर्ने यसको निरुपणको सिद्धान्त अपनाएमा सरकारको आलोचना घट्ने र कम्युनिष्ट सरकारको प्रत्याभूति नागरिकले गर्न पाउने बताउनुभयो ।
नेकपा पार्टी एकताको विषयमा बोल्दै नेता नेपालले ठूला पार्टी एकीकरण हुँदा सानातिना अल्झनहरु आउने बताउँदै यसलाई मिलाएर लैजानुपर्ने बताउनुभयो । उहाँले मन परेकालाई भर्ना गर्ने र मन नपरेकालाई पाखा लगाउने परिपाटीले पार्टी बलियो नहुने धारणा राख्नुभयो ।
एकता प्रक्रिया छिटोभन्दा छिटो टुंङ्याउन माघ महिनाभित्रै छलफललाई तिब्र बनाउन आफूले सुझाव दिने बताउनुभयो । एकता प्रक्रिया छिटो सक्नुपर्नेमा ढिलो भएको भन्दै एकता ढिलो हुँदा दुवै पार्टीलाई फाइदा नपुग्ने बताउनुभयो ।
नेता नेपालले वृद्ध भत्तामा वढोत्तरी गर्ने प्रतिवद्धता, आर्थिक सम्वृद्धि, सुखी र सम्वृद्ध नेपाली भन्ने नारालाई सार्थकता दिन नसकेको भने खुलेरै बताउनुभयो । उहाँले एक वर्षमा सरकारसमक्ष आएको आरोपलाई अव आगामी वर्ष विकास र समृद्धिको वर्षको रुपमा सरकारले स्थापित गर्न सक्नु पर्ने बताउनुभयो ।
कार्यक्रममा संघीय सांसद हितबहादुर तामाङ, नारायणप्रसाद खतिवडा, प्रदेश सभाका उपसभामुख राधिका तामाङ लगायतले प्रतिष्ठानले हरेक वर्ष सामाजिक कामहरु गर्दै आएको भन्दै उच्च प्रशंसा गर्नुभयो ।
पुर्व प्रधानमन्त्रि तथा नेकपाका वरिष्ठ नेता माधवकुमार नेपालले सोमवारै खरानीटारमा वृद्धवृद्धा तथा विद्यार्थीलाई पुरस्कृत गरेका छन् । भरतप्रसाद लामिछाने स्मृति प्रतिष्ठानले आयोजना गरेको कार्यक्रममा नेता नेपालले सम्मान तथा पुरस्कृत गर्नुभएको हो ।
प्रतिष्ठानको तर्फवाट नेता नेपालले स्थानीय २० जना वृद्धवृद्धालाई नगद एकहजार, न्यानो कपडा पौष्टीक आहार सहित दोसल्ला ओढाएर सम्मान गर्नुका साथै स्थानीय तादी भ्यु एकेडेमीमा अध्यनरत विद्यार्थीहरुलाई न्यानो पोशाक र स्टेशनरी सामग्री वितरण गर्नुभयो । साथै सो विद्यालयलाई नेता नेपालले दुई थान कम्युटरसमेत प्रदान गर्नुभयो ।
प्रतिष्ठानका अध्यक्ष तथा स्थानीय समाजसेवी केपी लामिछानेको अध्यक्षतामा भएको कार्यक्रममा उपाध्यक्ष मेघराज लामिद्धानेले स्वागत गरेका थिए । कार्यक्रममा नुवाकोट जापान समाजका अध्यक्ष हरि लामिछानेले प्रतिष्ठान मार्फत सहयोग गर्न पाएकोमा खुसी व्यक्त गर्दै आगामी दिनमा अझ धेरै सहयोग गर्ने बताए ।
कार्यक्रममा प्रेस काउन्सिलका सदस्य गोबिन्दप्रसाद चौलागाँइ, नेपाल पत्रकार महासंघ काठमाडौंका अध्यक्ष शन्तराम बिडारी, पत्रकार महासंघका पुर्व केन्द्रीय सदस्य बालकृष्ण बस्नेत, विभिन्न दलका प्रतिनिधी, स्थानीय जनप्रतिनीधी लगायतको बाक्लो उपस्थिति रहेको थियो ।
0 comments
Write Down Your Responses