राज्यले नयाँ प्रतिभालाई प्रोत्साहन दिने नीति ल्याउनु प¥यो
 |
| अशोक तामाङ, गायक तथा कराते प्रशिक्षक |
आज भोलि तपाईको दिन चर्या कसरी बितिरहेको छ ?
बिहानै उठ्छु । कम्पोज गर्छु । गीतहरुको अध्ययन गर्छु । गीतहरु रियाज गर्छु । अनि बेलुका चाँही म मार्सल आर्ट तिर व्यस्त हुन्छु । मार्सल आर्ट सिकाँउछु अनि खेलकुद तिरै व्यस्त हुन्छु ।
संँगीतिक क्षेत्रमा लागेको कति समय भयो ?
म सांगीतिक क्षेत्रमा लागेको ७ वर्ष भइसक्यो ।
गीत संँगीतमा पहिले देखीकै शौख थियो की कसरी प्रवेश गर्नु भयो ?
पहिला त खेलकुदमा थिँए । पछि सोचे, मानिसको जीवनमा गीत संँगीत पनि चाँहिदो रहेछ । विभिन्न मान्छेहरुबाट प्रभावित भएर पनि गीत संँगीत क्षेत्रमा प्रवेश गरेको हु ।
को बाट प्रभावित हुनु भो ?
आफ्नै आमा र साथीहरुबाट प्रभावित भएर नै गीत सँगीतमा लागेको हँु ।
साँगीत क्षेत्रको ७ वर्षिय यात्रामा कतिको चुनौती पुर्ण महसुस गर्नु भयो, अनि के के र कस्तो संघर्ष विकास गर्दै यो स्थानमा आइपुग्नुभयो ?
साँगीतिक क्षेत्रमा प्रवेश गर्दा धेरै उताव चढाव भोग्दै आँए । दुखको दिनहरु धेरै थिए । धेरै मेहनत गर्नु प¥यो । पहिलो पटक साँगीतिक क्षेत्रमा प्रवेश गर्दा आफुले चिने जानेको मान्छे कोही थिएनन् ।
यो सहरमा अन्जान मान्छे, म्युजिक नसिकी गीत गर्छु भन्दा झन् गाह्रो थियो । पहिला म्युजिक सिकँे । त्यसपििछ मान्छेहरु चिन्दै गएँ । गीतहरु रेकर्ड गरें । यसरी नै अगाडि बढेको हुँ ।
यो साँगीतिक क्षेत्रबाट दैनिक खर्च चलाउन पुग्छन् त ?
गीत गाएर साँगीतिक क्षेत्रमा लागेर परिवार पाल्छु भन्ने सम्भावना कमै छ । गीत संगीतको भरमा त जिन्दगी चल्दैन ।
यसरी संगित क्षेत्रमा सफल हुन नसक्नुको कारण के होला ?
अहिले कफि राईट गर्न सहज हुन थाल्यो । अरुको मेहनत र तपश्या गरेर तयार गरेको सिर्जना नक्लल गर्ने प्रतिस्प्रधा छ । बजार खस्कीएको छ । यी विवीध कारणले गर्दा कलाकार र नव प्रवेशी कलाकार अगाडि बढन नसकेको हो ।
तपाईले यो ७ वर्षको अवधीमा कस्ता कस्ता गीत गाउनु भो ?
मेरो पहिलो एल्वम इसारा हो । दोस्रो एल्वम सम्झना हो । अहिले लेकालीमा प्रवेश गरेको छु । मेरो एल्वममा आधुनिक, पप सेलोगीत र सबै खालको गीत मिसिएको छ ।
कतिको बजार पाए ति गीतहरुले ?
ठिकै चले । पहिला मैले भिडियो गर्न सकिन । त्यति बेला यति धेरै बजार पनि थिएन । त्यहि पनि राम्रै भो ।
लगानी उठ्यो, कति पर्छ एक एल्वम बनाउन ?
एल्वम बनाउनलाई हामी जस्तो व्यक्तिका लागि त धेरै खर्च हुन्छ । एउटा अडियो गीत बनाएको २० देखी २५ हजार सम्म खर्च हुन्छ । अनि भिडियो गीत बनाउँदा ७० देखी ८० हजार सम्म लाग्छ ।
यो तपाई आफ्नै लगानीबाट बनाउनु भएको छ की अरुबाट ?
अहिले सम्म आफ्नै लगानीमा बनाई रहेको छु । अन्त काम गर्दै पैसा कमाउँदै, ल्याउदै, यता गीत बनाउँदै गरेको छु ।
तपाई गाएका गीत एकल छन् की अरु संग मिलेर पनि गाउनु भएको छ ?
केही गीत मिलेर गाएको छु साथीहरुसंग । कोही गीत आफैले पनि गाएको छु ।
भावि योजना के छ तपाईको ?
गीत संगीतलाई अगाडि बढाउन नै मेरो भावी योजना हो । आफुले जानेका कुराहरु अरुलाई पनि सिकाउने मेरो एक योजना छ । एउटा फिल्म पनि बनाउने बिचार गरेको छु । अहिले म फिल्मको कथा लेख्दै पनि छु ।
कस्तो खालको फिल्म लेख्दै हुनुहुन्छ ?
टुहुरा, परिवार बिहिन बालबालिका सम्बन्धीको विषय बस्तुलाई समेटेर कथा लेखिरहेको छु । यी विषयमा फिल्म बनाउने तयारी गरिरहेको छु ।
कहिले सम्म फिल्म बनाउने योजना छ ?
अव कथा लेख्दै छु । कथा लेखि सके लगत्तै त्यो काममा लाग्छु । सके सम्म त नेपाली भाषामा बनाउने विचार गरेको छु । त्यो भएन भने पनि हाम्रो मौलिक तामाङ भाषा समेटिएर फिल्म बनाउने विचारमा छु ।
तपाईले अहिले सम्म गाएका गीत कुन भाषामा आधारित छन् ?
सबै नेपाली गीत नै हुन् । केवल २ वटा गीत तामाङ भाषामा रहेका छन् । अरु सबै नेपालीमा नै छन् मेरो गीतहरु ।
गीत संगीतमा तपाईको रुचि सानैदेखिको हो ?
पहिला बच्चा देखिनै संगीतमा शौख थियो । बच्चा देखिनै गीत गाँउने, बाँसुरी बजाउने, मादल बजाउने, गाउँमा चाड पर्वमा गीत गाउने गर्थे ।
सांगीतिक क्षेत्रमा कसको संगतले यहाँसम्म आउनु भया ?
मलाई हरेक कुरामा साँगीतिक विषय सिकाउने आदरणीय दाई अमृत लामा, कृष्ण दाई, मेरा गुरु सागर साँइलो, प्रभुराज ढकाल, धनबहादुर गोपालीज्यु लगायतलाई सम्झन चाहन्छु ।
कलाकारहरुलाई बिदेश जान भ्याई नभ्याई छ, तपाईलाई के छ ?
अहिले सम्म बिदेश गएको छैन । बिदेशमा जान पनि आफनो मान्छे चाहिने । चिनजान र सेटीङ नहुने त हामी जस्तो अलमल प¥यो , बस्यो । स्टेज कार्यक्रम चाँही भ्याई नभ्याई हुन्छन् ।
बिदेशमा आफनो सिधा सम्पर्कमा अहिले सम्म कोहि छैनन् । बिदेशमा कार्यक्रम आयोजना गर्ने मान्छेले आफ्नो चिनेजानेको मान्छेलाई बोलाउँछन् ।
अनि अर्काे कुरा उनीहरुले चलेको गायकलाई मात्र निम्ता गर्छन् । हामी जस्तो नवप्रवेशीलाई पनि मौका दिए त राम्रौ हुन्थ्यो ।
नव प्रतिभालाई राज्यले वा सरकारले के गरि दिए हुन्थ्यो जस्तो लाग्छ ?
राज्यले नव प्रतिभाको लागि स्टेज कार्यक्रम गर्नु प¥यो । नेपालमा आईडलको आयोजना गर्नु प¥यो, नयाँलाई प्रोत्साहन दिनु प¥यो जस्तो लाग्छ ।
आफनो ठाउँको परिचय हुने गरि कुनै गीत गाउनु भाको छ ?
गायको छु । दुई वटा गीत छ । घर मेरो सिस्नेरी र मकवानपुर भन्ने गीत गाएको छु । यो मैले आफनो जिल्लाको परिचयको लागि गरेको हुँ ।
जिल्लाको परिचयको लागि गीत गाउनु भो, कतिको चले ति गीतहरु ?
खासै चलेका छैनन् । ् ती गीतको अडियो मात्र छ, भिडियो छैन ।
तपाई काठमाडौमा कति सालमा प्रवेश गर्नु भयो ?
म काठमाडौमा २०५७ साल प्रवेश गरेको हँु । ०६९ साल सम्म करातेलाई निरन्तर समय दिँए । म क्योकोसिन करातेको दोस्रो डान पनि हु । अहिले दुई ठाउँमा प्रशिक्षण पनि गरिरहेको छु ।
खेलाडी अलि कठोर स्वभावको हुन्छन, अनि गायक एकदम रसपुर्ण हुन्छन, एक आपसमा फरक स्वभावको पेशाबीच तपाँइलाई कस्तो अनुभुती भइरहेको छ ?
एड्जस्ट त गर्नैप¥यो । संगित र खेलकुदलाई संगै लैजानु प¥यो । पहिला म सानोमा गीतमै लागेको मान्छे । पछि आए काठमाडौमा । म जहाँ जुन साँहुकोमा काम गर्थे, त्यहाँको साहु करातेका प्रशिक्षक रहेछन् । उहाँ संगै गएर कराते सिके अनि बिस्तारै दुईट्टैलाई अगाडि बढाउने प्रत्यत्न गरेको हँु ।
अहिले तपाई साँगीतमा र खेलकुदमा मात्र व्यस्त हुनुहुन्छ की अरुमा पनि ?
यो बीचमा मैले करातेलाई केहि समय बिट मारेर मुर्ती बनाउने, बुट्टा भर्ने, मुर्तीमा सुन भर्ने काम गरें । अहिले त्यो छोडेर कराते र साँगीतलाई नै समय दिरहेको छु ।
जिन्दगी देखि खुसि हुनुहुन्छ ?
अहिले सम्म आफुलाई चित्त बुझ्दै छ । घर परिवार पाल्न पुगेकै छ । आफुलाई लाउन खान पुगेकै छ । यति हो की गीत गाएर धेरै पैसा कमाउँछु भन्ने छैन । ठुला ठुला कलाकारहरुलाई पनि चित्तबुझ्दो छैन ।
अन्तिममा केहि भन्नु छ ?
अन्तिममा के भन्न चाहन्छु भने कलाकार र गीत संगीतलाई माया गर्ने दर्शकलाई मेरो एउटा योजना छ । प्रदेश नम्बर ३ का लागि मकवानपुर काठमाडौ कलाकार सम्र्पक मञ्च नेपाल गठन गदैछु ।
सबै कलाकारलाई यसमा समावेश हुन आवाह्न गर्न चाहन्छ । र स्रोताहरुलाई पनि गीत साँगीतलाई माया गरि दिनु होला भन्ने आग्रह गर्दछु । खेलाडी भनेका पनि राष्ट्रका गहना हुन् ।
उनलाई पनि प्रोत्साहन गरिदिनु होला भन्न चाहन्छु । र, अन्तिममा तपाईलाई र आम स्रोतालाई धेरै धरै धन्यवाद भन्न चाहन्छु ।
0 comments
Write Down Your Responses