ENTERTAINMENT, NEWS, SAHITYA » यसरी भयो इन्द्रसरोवर काव्य उत्सवमा हंगामा (२० तस्बिर सहित)

मार्खु (मकवमानपुर) । उत्तरी मकवाननपुरको मानवनिर्मित प्राकृतिक मनोरम ताल इन्द्रसरोवरमा ‘इन्द्रसरोवर काव्य उत्सव २०७४’ भव्य रुपमा सम्पन्न भएको छ । 

इन्द्रसरोवर गाँउपालिकाको आयोजनामा यही फागुन १८ र १९ गते भएको काव्य उत्सवको नेकपा एमालेका वरिष्ठ नेता तथा पूर्वप्रधानमन्त्री झलनाथ खनालले उद्घाटन गरेका थिए ।

उत्सवमा काठमाडौं तथा हेटौंडाबाट आएका कविहरुले इन्द्रसरोवरको डुङ्गामा शयर गर्दै पानी माथि रहेको घरबाट कविता वाचन गरेका थिए । 

पर्यटकीय हिसावले प्रचुर संभावना रहेर पनि ओझेलमा परेको उत्तरी मकवानपुरको इन्द्रसरोबर गाँउपालिकाको आयोजना र अन्य केही सहयोगी संस्थाहरुको संयोजनमा कुलेखानी मार्खुमा सम्पन्न ‘इन्द्रसरोबर काव्य उत्सव’ अत्यन्त उत्साहका साथ सफल भएको गाँउपालिकाका अध्यक्ष जीवन लामाले बताए । 

पर्यटन साहित्यको विकास र विस्तार गर्ने उद्देश्यले आयोजना गरिएको ऐतिहाँसिक कार्यक्रममा आक्कल झुक्कल कविता र गीत समेत रचना गर्ने एमालेका वरिष्ठ नेता तथा पुर्वप्रधानमन्त्री खनालले आफ्नो कविता समेत वाचन गरेर कार्यक्रमको उद्घाटन गरेका थिए ।

३ दर्जन कविहरु ईन्द्रसरोवरमा भेला भई डुङ्गामा दिप प्रज्वलन सहित कविता वाचन हुँदै गर्दा उक्त दृष्य साह्रै मनमोहक बनेको मात्र थिएन माहोल पुरै काव्यिक बनेको थियो । 

काव्य उत्सवमा देशका विभिन्न स्थानबाट करिव ३ दर्जन कविहरु ईन्द्रसरोवरमा पुगेका थिए । काव्य उत्सवको अवसरमा माविस्तरीय कविता प्रतियोगितामा समेत भएको थियो । उक्त प्रतियोगिता ४ जना  विद्यार्थी उत्कृष्ट भएका छन् । 

६ माविका १२ जना सहभागि भएको प्रतियोगितामा सुशिला वाईबा वत्सलादेवी मावि, अनिता लामा कालिदेवी मावि, निरुता कार्की महाचुनी मावि र नविन गोले सरस्वति बाल बोधनी मावि उत्कृष्ट भएका छन् । 

कार्यक्रममा कवि निमेश निखिलले मकवानपुरको पर्यटन र साहित्यमा अवसर, चुनौति र सम्भावना विषयक कार्यपत्र समेत प्रस्तुती गरेका थिए । 

कार्यक्रममा प्रदेश सभाका सांसद मुनु सिग्देल र कुमारी मोक्तान, थाहा नगरपालिकाका उपमेयर खड्ग गोपाली, नेपाल पत्रकार महासंघ काठमाडौ. शाखाका अध्यक्ष शन्तराम बिडारी, स्थानीय राजनीतिककर्मी तथा समाजसेवी रामचन्द्र बल लगायतको उपस्थिति थियो ।

सो अवसरमा कविहरु ईश्वर कँडेल, उषा शेरचन, छवि अनित्य, जोतारे धाइबा, नवराज पराजुली, निमेष निखिल, प्रोल्लास सिन्धुलीय, फूलमान बल, बिना थिङ तामाङ, बाबु त्रिपाठी, बिर्खे अन्जान, विप्लव ढकाल, संगीत श्रोता, सुदेश सत्याल, हेमन यात्री, चन्द्र तामाङ, रोशन पुन लगायतको सहभागीता रहेको थियो । काव्यिक वातावरणसंगै जमेको माहोलले हंगामा सृजना गरेको थियो । कार्यक्रममा स्थानीय कवि शान्तलाल लामा र रश्मिमाया लामाले पनि कविता प्रस्तुत गरेका थिए । 

पत्नि रभिलक्ष्मी र छोरा निर्भीक लगायत केही सचिवालय टिम सहित इन्द्रसरोवर पुगेको वरिष्ठ नेता खनालको टिम सहित साहित्यकारहरुको टोलिले डुङ्गा शयरको आनन्द समेत लिएको थियो । 

कार्यक्रम आयोजना गर्न महत्वपूर्ण भुमिका खेलेको भन्दै आयोजकका तर्फबाट स्थानीय समाजसेवी तथा राजनीतिकर्मी रामचन्द्र बल, नेपाल पत्रकार महासंघ काठमाडौका अध्यक्ष तथा स्थानीय थाहा नगरपालिका–६का शन्तराम बिडारी, गोरखापत्र राष्ट्रिय दैनिकका पत्रकार दिपक विहिन तथा नेपाल पत्रकार महासंघ काठमाडौ. शाखाका अतिरिक्त  क्रियाकलाप विभाग संयोजक एवं प्रेस चौतारी काठमाडौंका सदस्य श्यामराज पाठकलाई आयोजकका तर्फबाट खादा ओढाएर सम्मान गरिएको थियो । 

केही तस्बिरहरुः राज शाह, सर्वनाम

0 comments

Write Down Your Responses