बारा,४ फागुन / २ नम्बर प्रदेशको बारा सिमरामा आज  मकवानपुर र बाराका पत्रकारहरुबिच भएको मैत्रिपुर्ण फुटबल प्रतियोगितामा मकवानपुर विजय भएको छ ।  सिमरा रंगशालामा भएको ६० मिनेटको खेलमा मकवानपुरले बारालाई ५–० गोल अन्तरले पराजित गरेको छ । मकवानपुरका लागी पत्रकार बुद्ध श्रेष्ठले ४ र सुवास बिडारीले १ गोल गरेका थिए ।

बारा पत्रकार दिवाकर भण्डारी र मकवानपुर पत्रकार प्रताप बिष्टकोे कप्तानीमा मैदान उत्रिएको थियो । बारा र मकवानपुरको खेल रोमाञ्चक बनेको प्रतियोगिताको बिजेता मकवानपुरलाई आयोजकको तर्फबाट पत्रकार महासंघ बाराका अध्यक्ष कमलकुमार उपाध्यायले मायाको चिनो प्रदान गर्नुभएको थियो ।
तस्विर  : Ganesh Darpan Adhikari को फेसवुक वालबाट