मकवानपुर, यहि फागुन २५ गतेबाट प्रदर्शनको तयारीमा रहेको चलचित्र ‘हुर्रे’ को प्रचार यात्रा तिब्र पारिएको छ । चलचित्र प्रचारका लागि देश दौडाहामा रहेको चलचित्रका कलाकारहरु आज हेटौडा आईपुगेका छन ।


 आज हेटौडामा पत्रकार सम्मेलन गर्दै अभिनेत्री केकी अधिकारीले आफू चलचित्रमा मेनका पात्रका रुपमा उपस्थित हुने जानकारी गराएकी थिईन । उनले भनिन् ,‘प्रेमको मोह जालमा फसाउने केटीको भूमिका निर्वाह गरेको छु ।’ कमेडि खालको फिल्म रहेको बताउदै सबै दर्शकलाई हल सम्म गएर हेर्नको लागि आग्रह गरिन् ।

चलचित्रका अर्का पात्र हास्यकलाकारको रुपमा समेत परीचित कलाकार राजाराम पौडेलले .....हुर्रे’ को सबै छायांकन पशुपति क्षेत्रमा सम्पन्न भएको बताए ।
 अनुपविक्रम शाही र केकी अधिकारीलाई जोडीका रुपमा प्रस्तुत गरिएको चलचित्रको याम थापाको लेखन तथा निर्देशनमा बनेका यो चलचित्रमा केकी अधिकारी, अनुप विक्रम शाही, राजाराम पौडेलका अलवा अंकित खड्का ,विजय बराल , संगीता नापित लगायतका कलाकारको पनि अभिनय छ ।