पालुङ जेसिजले गर्यो प्राथमिक उपचार तालिम
![](https://blogger.googleusercontent.com/img/b/R29vZ2xl/AVvXsEiz1ZjvF-ykAWaitZQHkq2n0FYIW0asWpDFShXnRuP8p5JbNo5oA6m2FJL9A2iFwnfXiqZr5GhxsyfA_NTdMU-op1eVWC7ROJOKKYT-KUyOvb5lTvIpmwEQM86dw_lnxtedWYUcSHJAGpfg/s640/jecis.jpg)
थाहानगर, २ मंसिर । पालुङ जेसिजले जेसिज वर्ष २०१६ को जेसिज सप्ताह अन्तर्गत दोस्रो दिन प्राथमिक उपचार सम्वन्धी तालिम सम्पन्न गरेको छ ।
पालुङ जेसिज वर्ष २०१६ का अध्यक्ष शिबकुमार खत्रीको सभाध्यक्षमा भएको तालिममा उत्तरी भेगका ४८ जना विद्यार्थी शिक्षक लगायतको सहभागिता रहेको थियो । तालिममा चोट पटक लाग्दा वा कोही घाइते हुँदा अस्पतालसम्म पु¥याउनु अघि पहिलो उपचार गर्नको लागि अपनाउनु पर्ने विधिको बारेमा प्रशिक्षण गराइएको कार्यक्रम संयोजक विजय मल्लले जानकारी दिनु भयो ।
तालिम पश्चात सहभागि १२ विद्यालयलाई प्राथामकि उपचारमा आवश्यक पर्ने सम्पूर्ण सामाग्री वितरण गरिएको थियो । सो तालिमको पालुङ प्राथमिक स्वास्थ्य केन्द्रका प्रमुख तथा मेडिकल अधिकृत रिनेश अधिकारीको सहजीकरण गर्नु भएको थियो ।
यस्तै जेसिसले कार्यालय प्रमुख र जेसिजबीच मैत्रीपूर्ण भलिवल प्रतियोगिता समेत आयोजना गरेको थियो । प्रतियोगितामा कार्यालय प्रमुखले जेसिज समुहलाई २५ः१९,२५ः२१,१९ः२५,२६ः२४,१५ः११ को सेटमा पछि पार्दै विजय भएको हो ।
विजय भएका कार्यालय प्रमुख टिमलाई मेडल प्रमाण प्रत्र समापन कार्याक्रममा प्रदान गरिने वर्ष २०१५ का महासचिव विजयश्याम अमात्यले जानकारी दिनु भयो ।
मंसिर ३ गते ट्राफिक जनचेतना कार्यक्रम, एकल गायन र नृत्य प्रतियोगिता आयोजना हुने सञ्चार संयोजक रुपक कालिराजले जानकारी दिनु भयो ।
![](https://blogger.googleusercontent.com/img/b/R29vZ2xl/AVvXsEhkLART9jxfTPsF4MiYJNlkADwjq4cRkMo8wOTRZXEQ4-I2y443wW1keGAAdpguhgxQA30x2801h1e3zY82uRZGa687hDSqM8G0XLOU9zm-aqfWoDHjoxOB_seS0IsfpnOXKNDnnthiWhcb/s640/bitaran.jpg)
0 comments
Write Down Your Responses