अनुगमनको क्रममा इलाका वन कार्यालय मनहरीका सहायक वन अधिकृत शुशिल यादवले बृक्षारोपणको औचित्यता समस्या चुनौति र आगामि कार्ययोजनाको बारेमा अनुगमन टोलीलाई जानकारी गराएका थिए । टोलीमा विभिन्न सरोकारवाला सरकारी निकायका प्रतिनिधि लगायत वन क्षेत्र सँग सम्वन्धितहरुको सहभागिता रहेको थियो । अनुगमन पश्चात समन्वय समितिको बैठकमा जिल्ला वन कार्यालयका विशल भट्टराई, पूर्णकाजी महर्जन, रामकृष्ण यादव, नरहरी चापागाई,काशीराम हमाल, नवलकिशोर साह लगायतकाले आ आफ्नो कार्यालयको आर्थिक वर्ष ७३।७४ को वार्षिक स्विकृत कार्यक्रम प्रस्तुत गर्नुभएको थियो । टोलीमा दामोदर खनाल, सिताराम बर्तोला, नवराज विष्ट, ऋषिराम पराजुली, अच्यूत लामिछाने, राजेन्द्र राजभण्डारी, पञ्चमाया स्याडतान, प्रकाश मैनाली लगायतको समभागिता रहेको थियो । बैठक जिल्ला वन कार्यालय मकवानपुरका जिल्ला वन अधिकृत राजेन्द्र न्यौपानेले टोलीका सबैलाई सकारात्मक सल्लाह र सुझाव दिनको निमित्त आग्रह गर्नुभएको थियो ।