हेटौडा बजार अनुगमनमा म्याद सकिएको खाद्य पदार्थ भेटियो
हेटौंडा ,९ असोज ÷ जिल्ला प्रशासन कार्यालय, क्षेत्रीय खाद्य तथा गुण नियन्त्रण कार्यालय र उपभोक्ता मञ्चको संयुक्त टोलीले आज हेटौंडा बजारका होटलहरुको भान्सा अनुगमन गरेको छ । अनुगमनका क्रममा म्याद सकिएका खाद्य पदार्थ, फोहोर लगायतका कमी कमजोरी भेटिएको थियो । अनुगमन टोलीले म्याद गुज्रिएका खाद्य पदार्थलाई आफैसंग लगेका थिए भने भान्सा घरलाई एक पटकका लागि सफा गर्न सचेत गराएको छ । हेटौंडा बजारमा रहेका होटल एभोकाडो, सीमा, अनमोल, सामना लगायतका होटलहरुमा अनुगमन गरेको हो ।
हेटौडा बजारमा रहेका होटलहरुले जनताले सफा र स्वस्थ्यकर खाद्य सामग्री उपभोग गर्न सकुँन् भन्ने अभिप्रायले अनुगमन गरिएको प्रशासन कार्यालयका नायब सुब्बा आचार्यले बताउनु भएकोछ । मउवासंघका उपाध्यक्ष अग्रवालले होटलहरुको भान्सा सफा र स्वस्थ्यकर रहनुपर्ने र यसका लागि संघको समेत दायित्व रहेकोले अनुगमनमा संघको तर्फबाट आफ्नो सहभागिता रहेको बताउनु भएकोछ ।
0 comments
Write Down Your Responses