कमाइको केहि हिस्सा समाजसेवामा खर्च गर्न पाउँदा सन्तोष मान्छु
 |
| जीवन बस्नेत, युवा व्यवसायी |
विगत केही वर्षदेखि काठमाडौंमा व्यवसाय गर्दै आउनु भएका पालुङ सोल्टुका स्थायी बासिन्दा जीवन बस्नेत काठमाडौंमा पानी आपुर्तीको काम गर्नुहुन्छ । पाथिभरा बचत तथा ऋण सहकारी संस्थाका पूर्व अध्यक्ष एवं ऋण उपसमिति संयोजक समेत रहनुभएका बस्नेत उपत्यका स्रोत तथा ट्याङ्कर व्यवसाय संघको सदस्य समेत हुनुहुन्छ ।
व्यवसायको अलावा समाजसेवामा समेत अग्रसर बस्नेतले हालै पाथिभरा युवा क्लवलाई दर्जनौं थान जर्सी समेत सहयोग उपलव्ध गराउनुभयो । उहाँ समेतको पहल र व्यवस्थापनमा पालुङ–काठमाडौं पाथिभरा यातायात सञ्चालन समेत भएको छ । प्रश्तुत छ जीवनका भावी योजना र सफताका रहस्यबारे उहाँसंग गरिएको कुराकानीः
दिनचर्या कसरी बित्दैछ अचेल ?
जनतालाई पानी खुवाउने, घर घरमा पानी आपुर्ती गर्ने कार्य मै बढी केन्द्रीत छु ।
बाल्यकाल कस्तो रह्यो ?
बाल्यकाल त त्यही हो नी......। घरायसी कारणले गर्दा दुख नै भयो । पढ्न पनि खासै सकिएन ।
बद्मासी कत्तिको गर्नुहुन्थ्यो ?
उमेर अनुसार हल्का बद्मासी पनि गरियो ।
व्यवसायी–समाजसेवी जीवन बस्नेत भनेर चिनिन कत्तिको संघर्ष गर्नुप¥यो ?
संघर्ष त कति गरियो कति । नत्र यहाँ सम्म आई नै पुग्ने थिइँन होला । परिश्रमको फल मिठो हुने रहेछ । जुनकुरा अहिले अनुभव गर्दैछु ।
आज यो ठाउँमा पुगिएला भनेर सोच्नु भएको थियो ?
सोच्ने भन्दा पनि जीवनमा केही गर्दै, हरेस नखाँदै, जीवनसंग संघर्ष गर्दा गर्दै, दौडँदै गर्दा आज यहाँ सम्म आइपुगियो ।
प्रेरणाको स्रोत कसलाई मान्नुहुन्छ ?
अब घरपरिवार, साथीभाई यस्तै यस्तै ।
व्यवसाय अनि समाजसेवालाई संगसंगै लैजान कत्तिको कसरत गर्नुपर्ने रहेछ ?
मनमा समाजसेवाको भावना आए खासै कसरत चाँहिदैन ।
आगामी योजना के के छन् ?
मुख्य त पानी आपुर्ती नै हो । पाथीभरा यातायात र गाडीको ‘बडी मेकअप’को काम गर्दैछु । व्यवसायका अलावा पालुङमा सामाजिक रुपमा विद्यालयको छात्रबृति देखि लिएर विकास निर्माणमा प्रत्यक्ष रुपमा संलग्न हुने सोच छ ।
के देशको यही समस्या यथावत रहे योजना सफल होला त ?
अहँ, गाह्रो भइहाल्छ नी । यो अवस्थाले जुनसुकै कामलाई असहज हुन्छ ।
व्यवसाय त नाफामुखी हुनुपर्ने हो, एउटा व्यवसायीमा समाजसेवाको भावना कसरी आयो ?
हुन त व्यवसाय नाफामुखी नै हो । तर समाजमा इज्जत र नामका लागि समाज सेवा गर्नुपर्छ । म आफुले कमाइ गरेको केही हिस्सा समाज सेवामा लगाउन पाउँदा आत्मगौरव र सन्तोष मान्छु । समाज सेवा र अरुको हित नै मानिसको परम धर्म हो ।
अन्त्यमा दामन पोष्टको माध्यमबाट संघर्ष गर्नेहरुलाई के भन्न चाहनुहुन्छ ?
मान्छेको जीवनमा उतार चढाव भइरहन्छ । कुनै काममा असफलता भयो भनेर बीचमै छाड्नु हुँदैन । बरु लगनशील भई लागि रहनुपर्छ । त्यसो गरेर निरन्तरता दिएमा उक्त काम पक्कै सफल हुन्छ । काम सफल हुनु भनेको आफैं सफल हुनु हो ।
मैले त कयौं संघर्ष गरेको छु । तसर्थ लोकप्रिय यस दामन पोष्ट राष्ट्रिय मिडीया मार्फत म जीवनमा कत्ति पनि हतोत्साही नहुन सबैलाई आग्रह गर्दछु ।
प्रस्तुतिः सुवास केसी, मधुरकवि उपाध्याय
0 comments
Write Down Your Responses